Shavkat Mirziyoyev Namangan viloyati imkoniyatlarini ishga solish masalalariga bag‘ishlangan yig‘ilishda aholni ichimlik suvi bilan ta’minlashni yaxshilash bo‘yicha ko‘rsatmalar berdi.
Unga ko‘ra, Zarkent, Hojikent, Iskovot, Buloqboshi, Yoshlik shaharchalari va Namangan shahrida suv ta’minotini yaxshilash loyihasi jadallashtiriladi.
Shuningdek, Chust, Pop, Namangan va Mingbuloqda ichimlik va oqova suvini yaxshilashga 70 million dollar jalb qilinadi.
Yo‘llarni qurish, ta’mirlash va saqlashga xususiy sektorni yanada keng jalb qilish, bu borada aniq loyihalarni amalga oshirish muhimligi qayd etildi.
Prezident Namanganda suv manbalari serob bo‘lgani bilan, suv tejovchi texnologiyalarni birinchi navbatda shu hududda joriy qilish shartligini ko‘rsatib o‘tdi. 2024-yilda 60 ming gektarda suv tejovchi texnologiyani joriy qilish va 40 ming gektarni lazerli tekislash yuzasidan mutasaddilarga ko‘rsatma berildi.
Shuningdek, viloyatdagi kanallarni betonlash, Chorkesar, Zarkent va Isparon suv omborlarini qurish, Chust va “M-2” kanalini ta’mirlash masalalari ko‘rib chiqildi.
Izoh (0)