Toshkent metropolitenida bir kunda o‘rtacha nechta yo‘lovchi tashilayotgani ma’lum bo‘ldi.
Statistika agentligi ma’lumotlariga ko‘ra, 2023-yilda Toshkent metropolitenida 162,7 million yo‘lovchi tashilgan. Bu ko‘rsatkich 2022-yil bilan solishtirilganda 26 million nafarga ko‘p. 2023-yilda Toshkent metropolitenida bir kunda o‘rtacha 445,9 ming nafar yo‘lovchi tashilgan bo‘lib, 2022-yilga nisbatan solishtirilganda 19 foizga oshgan.
Bugungi kunda Toshkent shahrida 5 mln nafar aholi mavjud bo‘lib (doimiy istiqomat qiluvchi — 3,02 mln, kunlik shaharga kelib-ketuvchi — 1,5 mln, vaqtinchalik yashovchi — 0,48 mln), shundan mobil (harakatdagi) aholi soni o‘rtacha 3,5 mln kishini (shundan 1,8 mln ish bilan band aholi, 0,4 mln talabalar, 0,5 mln o‘quvchilar va 0,8 mln boshqalar) tashkil qiladi.
O‘tkazilgan tahlillarga (transport makromodeli) ko‘ra, poytaxtdagi mobil aholining kunlik harakatlanish (qatnov) soni o‘rtacha 9 milliontani tashkil etib, shundan 6 mln qatnov transportda amalga oshiriladi.
Transportda amalga oshirilayotgan qatnovlarning 1,7 mln (28 foiz) jamoat (avtobus, metro) transportiga (2022 yilda 0,8 mlnta), 4,3 mln yengil avtotransportga to‘g‘ri kelmoqda.
Izoh (0)