Тошкент метрополитени “Олмазор”—“Янгиҳаёт” бекатлари оралиғида поездлар ҳаракати бир томонлама ташкил этилишидан огоҳлантирди.
Маълум қилинишича, метрополитенда хавфсизликни таъминлаш бўйича режадаги профилактик ишларни бажарилиши муносабати билан 26 март куни соат 23:00 дан 00:00 гача “Чилонзор” йўналишининг “Олмазор” — “Янгиҳаёт” (4-бекат) бекатлари оралиғида поездлар ҳаракати бир томонлама (челнок), оралиқ вақт интерваллари сақланган ҳолда ташкил этилади.
Шунингдек, “Янгиҳаёт” (4-бекат) ва “Чинор” (5-бекат) бекатлари оралиғида бу вақт давомида бепул автобус ҳаракати йўлга қўйилади.
24 март куни метрополитеннинг Сергели участкасида метро йўлининг устки қисмида метал конструкция ўрнатиш ишлари олиб борилгани сабаб ушбу участкадаги поездлар ҳаракати соат 23:00 дан 00:00 гача бир томонлама ташкил этилганди.
Метрополитен бу ҳақда аввалроқ огоҳлантириш билан чиқмагани сабаб ижтимоий тармоқларда Чилонзор йўналишида поездлар ҳаракати кечикаётгани ҳақида турли хабарлар тарқалганди.
Изоҳ (0)