Chexiya prezidenti 18-mart kuni Ukrainada jang qilishni istagan 20 nafar fuqaroga rasman ruxsat berdi. Bu haqda Anadolu nashri xabar berdi.
Xabarda aytilishicha, yana 56 nafar ko‘ngilli Rossiyaga qarshi kurashishga tayyorligini bildirgan. Biroq ularning so‘rovlari rad etilgan.
Chexiya prezidenti Petr Pavel tomonidan eʼlon qilingan bayonotda, davlat faqat 20 nafar fuqaroga xorijdagi harbiy harakatlarda ishtirok etishga ruxsat berishi, qo‘shimcha arizalar hozircha ko‘rib chiqishdan to‘xtatilgani aytilgan.
Mahalliy matbuot xabarlariga ko‘ra, sobiq prezident Milosh Zeman urush boshlanganidan beri 150 ga yaqin Chexiya fuqarosiga Ukrainada jang qilishiga ruxsat bergan.
Chexiyadagi tartibga ko‘ra, xorijda harbiy xizmat o‘tashni istagan yoki harbiy harakatlarda qatnashishni xohlagan fuqarolar murojaatini shaxsan prezident tasdiqlashi kerak.
Izoh (0)