Чехия президенти 18 март куни Украинада жанг қилишни истаган 20 нафар фуқарога расман рухсат берди. Бу ҳақда Anadolu нашри хабар берди.
Хабарда айтилишича, яна 56 нафар кўнгилли Россияга қарши курашишга тайёрлигини билдирган. Бироқ уларнинг сўровлари рад этилган.
Чехия президенти Петр Павел томонидан эълон қилинган баёнотда, давлат фақат 20 нафар фуқарога хориждаги ҳарбий ҳаракатларда иштирок этишга рухсат бериши, қўшимча аризалар ҳозирча кўриб чиқишдан тўхтатилгани айтилган.
Маҳаллий матбуот хабарларига кўра, собиқ президент Милош Земан уруш бошланганидан бери 150 га яқин Чехия фуқаросига Украинада жанг қилишига рухсат берган.
Чехиядаги тартибга кўра, хорижда ҳарбий хизмат ўташни истаган ёки ҳарбий ҳаракатларда қатнашишни хоҳлаган фуқаролар мурожаатини шахсан президент тасдиқлаши керак.
Изоҳ (0)