Yevropa Ittifoqi davlatlari 2030-yilga borib, “tinchlikni istab, urushga tayyorgarlik ko‘rish” uchun Yevropa mudofaa sanoatidagi qurol-yarog‘ va o‘q-dorilar buyurtmalarini ikki baravar oshirishi kerak.
Bu haqda Yevropa kengashi rahbari Sharl Mishel Euractiv portali uchun maqolasida aytib o‘tdi.
Biz 2030-yilgacha Yevropa sanoatidan keladigan harbiy buyurtmalar hajmini ikki baravar oshirishni maqsad qilib qo‘yishimiz kerak. Bu bizning kompaniyalarimizga ko‘proq o‘ziga ishonch beradi. Ko‘p yillik shartnomalar ham ularni qurol ishlab chiqarishni kengaytirishga undaydi, deb yozadi u.
Yevropa kengashi rahbari Sharl Mishel fevral oyida Ukraina hududlarini berib yuborish evaziga tinchlikka erishish haqidagi chaqiriqlarni qattiq tanqid qilgandi.
Yevroparlamentdagi chiqishi chog‘ida u bosib olingan hududlar Rossiya Federatsiyasi nazorati ostida qolishi sharti bilan Ukrainada tinchlik o‘rnatishga chaqiriqlardan hayratda qolganini ta’kidlagan.
“Radikal so‘llarning Ukrainaga qurol yetkazib berishni to‘xtatishimiz kerak, degan da’volaridan hayratda qoldim. Siz ukrainaliklar suv to‘pponchasi bilan o‘zlarini himoya qilishlarini xohlaysizmi?”, — dedi o‘shanda Mishel.
Izoh (0)