Polshada norozilik bildirgan fermerlar 20-martga rejalashtirilgan ommaviy aksiya doirasida mamlakat bo‘ylab 270 ta o‘tish punktini to‘sib qo‘ymoqchi.
Ma’lum qilinishicha, mamlakat shimoli-g‘arbidagi Poznan atrofida 40 ta punkt to‘sib qo‘yiladi. Varshavada ayni damda shimol va sharqda shaharga kirish yo‘llarini to‘sib qo‘yish rejalashtirilmoqda.
“Bu galgi aksiya avvalgidan ham kuchliroq bo‘ladi. Fermerlar juda katta muammoga duch kelishmoqda, chunki davlatdan hech qanday yordam yo‘q”, — dedi norozilik yetakchilaridan biri, yakka tartibdagi fermerlar birdamligi assotsiatsiyasi rahbari Tomash Objanski.
Polshada fevral oyi boshidan beri fermerlarning norozilik namoyishlari bo‘lib o‘tmoqda. Namoyishchilarning asosiy talablari Ukrainadan Polshaga qishloq xo‘jaligi mahsulotlari importini to‘xtatish va 2050-yilgacha atmosferaga nol chiqindilarni chiqarishni nazarda tutuvchi Yevropa Ittifoqining ekologik rejalaridan voz kechishdir.
Izoh (0)