Rossiyada 15-mart kuni boshlangan prezidentlik saylovlarida davomat 70, 13 foizga yetdi. Moskva vaqti bilan soat 15:45 da shunday natija qayd etildi. Bu haqda Markaziy saylov komissiyasi rahbari Ella Pamfilova xabar berdi.
Ma’lum qilinishicha, saylovchilarning ishtiroki 2018-yilda bo‘lib o‘tgan prezidentlik saylovlaridan oshib ketgan. Xususan, o‘shanda davomat 67,5 foizdan oshgan edi. Rossiyaning 28 ta hududida faoliyat yurituvchi elektron ovoz berishda 4,7 milliondan ortiq saylovchi ishtirok etdi, biroq hozirgacha atigi 4,3 million byulleten qabul qilingan.
Rossiyaning 28 ta hududida faoliyat yurituvchi elektron ovoz berishda 4,7 milliondan ortiq saylovchi ishtirok etdi, biroq hozirgacha atigi 4,3 million byulleten qabul qilingan.
Ushbu saylovlarda uch nomzodga Putin bilan “raqobatlashish”ga ruxsat berilgan:
- Rossiya Kommunistik partiyasidan deputat Nikolay Xaritonov;
- Rossiya Liberal demokratik partiyasidan Leonid Slutskiy;
- “Yangi odamlar”dan duma vitse-spikeri Vladislav Davankov.
Mazkur nomzodlardan hech biri Ukrainadagi urushni qoralamaydi yoki Putinni bevosita tanqid qilmaydi. Saylovda ovoz berishning yagona intrigasi nomzodlardan qaysi biri qanday natija bilan ikkinchi o‘rinni egallashidir.
Ovoz berish hududlarning uchdan birida elektron shaklda o‘tkaziladi. Ukrainaga bostirib kirishni tanqid qilib, urushni tugatish tarafdori bo‘lgan jurnalist Yekaterina Duntsova, “Fuqarolik tashabbusi” partiyasidan siyosatchi Boris Nadejdin nomzodi rad etilgandi. Amaldagi prezidenti Vladimir Putin saylovda 80 foizga yaqin ovoz bilan g‘alaba qozonishi prognoz qilinmoqda.
Izoh (0)