Zamonaviy texnologiyalar shiddat bilan rivojlanib borayotgan jamiyatda hech bir soha bu jarayondan ortda qolishi yoki yangiliklarsiz davom etishi mumkin emas. Ayniqsa, bank xizmatlarini ko‘rsatishda mijozlar talabi va ehtiyojini inobatga olgan holda ularga qulaylik yaratish sohaning muhim masalalaridan biri.
Shu bois “O‘zmilliybank” AJ o‘z hamkorlari va mijozlari uchun manfaatli hamda ishonchli bank xizmatlarini taqdim etishda doimo faol.
Xabaringiz bor, Milliy mobil ilovasi yurtdoshlarimiz ishonchini tobora qozonib, yuqori reyting ko‘rsatkichlariga erishib kelmoqda. Bu esa Milliy mobil ilovasi foydalanuvchilar uchun yanada ko‘proq imkoniyatlar va bank mahsulotlarini yaratish ustida izlanishlar davom etayotganidan dalolat. Masalan, ushbu ilova orqali “Avtoto'lov” qismiga depozit va kreditlarga har oyda avtomat to‘lovlar qilish, Money Gram xalqaro pul o‘tkazmalari tizimidan foydalangan holda pul mablag‘larini jo‘natish va qabul qilish, UzCard va HUMO kartalaridan Visa Direct xizmati bilan Visa kartalariga o‘tkazmalar, "Zolotaya korona" tizimidan foydalangan holda pul o‘tkazmalarini yuborish xizmatlari ishga tushirildi. Shuningdek, mijozlar uchun bank ofisiga bormasdan, masofadan turib tizimdagi shaxsni tasdiqlovchi hujjatdagi shaxsiy ma’lumotlarni o‘zgartirish (muddati tugagan hujjatlar), bank karta ma’lumotlaridan nusxa ko‘chirish funksiyasi, bank kartalarini ehtiyoj yuzaga kelganda bloklash va to‘lovlarga cheklovlar o‘rnatish, yana qayta blokdan chiqarish kabi imkoniyatlar mavjud. Qolaversa, telefon raqami bo‘yicha elektron hamyonga yoki plastik kartaga pul mablag‘larini o‘tkazish, xizmatlar, depozitlar va o‘tkazmalar uchun avtomatik to‘lovlarni bajarishlari mumkin. Bundan tashqari, mijoz o‘z xohishiga ko‘ra, Visa va Mastercard kartalari bo‘yicha onlayn operatsiyalarga taqiq qo‘yishi, kommunal to‘lovlarni joriy balansini kuzatish va to‘lov qilish, kommunal to‘lovlar bo‘yicha qoldiqning kamayishi to‘g‘risida push-bildirishnoma yuborish (kommunal to‘lovlar miqdori bo‘yicha ma’lum chegara o‘rnatish va agar hisobdagi qoldiq ushbu miqdordan pastga tushsa, xabarnoma yuboriladi) imkoniyatidan foydalanishi mumkin.
Milliy mobil ilovasi foydalanuvchilari uchun muhim yangiliklardan biri endilikda Milliybankning Mastercard kartasidan 59 ta davlat, jumladan, O‘zbekistondagi boshqa banklarning Mastercard kartalariga ham pul o‘tkazmalarini amalga oshirish imkoniyati paydo bo‘ldi.
Umuman, mazkur ilova orqali yurtdoshlarimiz barcha xalqaro pul o‘tkazmalarini bankka bormay turib, uyda yoki ish joylarida amalga oshirish imkoniyatiga ega bo‘ladilar.
Shuningdek, Milliy mobil ilovasi foydalanuvchilari HUMO infratuzilmasida HUMOPay yordamida o‘z smartfonlari orqali kontaktsiz to‘lovlarni amalga oshira oladilar. HUMOPay to‘lovi internetni talab etmaydi. Xizmatdan foydalanish uchun Milliy dasturini yuklab olish va kartani telefon raqamlariga ulash kifoya qiladi. Bu esa undan foydalanuvchilarga plastik kartalarini o‘zlari bilan olib yurishlariga zarurat qoldirmaydi.
Milliy mobil ilovasining yana bir afzallik jihati shundaki, foydalanuvchilar savdo va xizmat ko‘rsatish korxonalariga tovar va xizmatlari uchun to‘lovni mazkur tizim orqali ham amalga oshirishlari mumkin. Tovar va xizmatlar uchun to‘lovlar mijoz terminalining tranzit hisob raqamiga 5-10 daqiqa ichida o‘tkaziladi. Asosiysi, bank mijozlari har soatda to‘lovlar uchun mablag‘larni o‘tkazish imkoniyatiga ega bo‘ladilar.
Shuningdek, yanada qulaylikni his etishni istovchi mijozlar uchun soddalashtirilgan jarayon QR-kod orqali to‘lov qilish imkoniyati mavjud bo‘lib, bu esa foydalanuvchiga nafaqat bank kartalarini olib yurish ehtiyojidan qutilishlari, vaqtni va xarajatlarni tejashiga ham sharoit yaratadi.
Shuningdek, bank xizmatlarining yangi turlaridan push-bildirishnomalar va sms orqali doimiy xabardor qilib boriladilar. Eng asosiysi, bankimizning mijozlar manfaati yo‘lida taqdim etayotgan qulayliklaridan samarali foydalanib, ishonchli hamkorga aylanadilar.
Reklama huquqi asosida.
Izoh (0)