Toshkent shahrida Centris Towers biznes majmuasining sotuv ofisi ochilishiga bag‘ishlangan tadbir bo‘lib o‘tdi. Marosimda tadbirkorlar, investorlar, taniqli sanʼatkorlar va boshqa ko‘plab soha vakillari ishtirok etdi.
Centris Towers – poytaxtning qoq markazida qurilayotgan, yuqori darajadagi qulaylik va zamonaviylikni o‘zida jamlagan A toifali biznes markazidir. Majmuaning umumiy maydoni 107 ming 504 kvadrat metrni tashkil etadi.
Centris Towers bir necha bloklardan iborat bo‘lib, A blok 20 qavat, B blok 18 qavat, C blok 17 qavat, D, E, F, G blok 11 qavat quriladi.
Biznes markazi umumiy bir kompleks sifatida qad rostlaydi. Kompleksda eng zamonaviy texnologiyalar bilan jihozlangan ofislar, tijoriy va ijtimoiy maydonlar hamda mustaqil avtoturargoh barpo etiladi.
Centris Towers loyihasi rahbari Maqsad Mansurov qurilishda etibor beriladigan muhim jihatlar haqida maʼlumot berdi.
“Majmua arxitekturasi yashil zonalari bilan o‘ziga xos ko‘rinishga ega bo‘ladi. Har bir blokda kamida 400 kvadrat metrlik yashil zonalar barpo etiladi. Ish o‘rinlariga ham alohida eʼtibor qaratdik. Markazda bir vaqtning o‘zida 4 ming kishi ishlashi mumkin. Shu bilan birga, binolar pastki qismida 4 qavatli, maydoni 40 ming kvadrat metr bo‘lgan yirik avtoturargoh ham quruladi”, – dedi loyiha rahbari.
Centris Towers qurilishi KOC Construction kompaniyasi tomonidan amalga oshirilmoqda. Kompaniya bosh direktori o‘rinbosari Rejai Odabashning aytishicha, majmua 2025-yilning oxirigacha qurib bitkazilishi rejalashtirilgan.
“So‘nggi 6 yilda Toshkentda ko‘plab loyihalarni amalga oshirdik. Masalan, Hilton mehmonxonasi va Kongress markazi, uning yonginasidagi Opera saloni, Ko‘rgazmalar markazi, Akfa universiteti binosi, Yangi O‘zbekiston bog‘i kompaniyamiz tomonidan bajarilgan loyihalardir. Shu bilan birga, Zomin tumanida 3 ta mehmonxona, Toshkent markazida Hampton by Hilton, Buxoroda Wyndham mehmonxonasi va Guliston shahrida Prezident maktabi qurilishini yakunladik”, – dedi Rejai Odabash.
Tadbir davomida mehmonlar majmua loyihasi va uning maket qismi bilan tanishtirildi. Ishtirokchilarga Centris Towers’dan birinchilardan bo‘lib bino ofis xarid qilish imkoni yaratildi.
Reklama huquqi asosida
Izoh (0)