Замонавий технологиялар шиддат билан ривожланиб бораётган жамиятда ҳеч бир соҳа бу жараёндан ортда қолиши ёки янгиликларсиз давом этиши мумкин эмас. Айниқса, банк хизматларини кўрсатишда мижозлар талаби ва эҳтиёжини инобатга олган ҳолда уларга қулайлик яратиш соҳанинг муҳим масалаларидан бири.
Шу боис “Ўзмиллийбанк” АЖ ўз ҳамкорлари ва мижозлари учун манфаатли ҳамда ишончли банк хизматларини тақдим этишда доимо фаол.
Хабарингиз бор, Миллий мобил иловаси юртдошларимиз ишончини тобора қозониб, юқори рейтинг кўрсаткичларига эришиб келмоқда. Бу эса Миллий мобил иловаси фойдаланувчилар учун янада кўпроқ имкониятлар ва банк маҳсулотларини яратиш устида изланишлар давом этаётганидан далолат. Масалан, ушбу илова орқали “Автотўлов” қисмига депозит ва кредитларга ҳар ойда автомат тўловлар қилиш, Моней Грам халқаро пул ўтказмалари тизимидан фойдаланган ҳолда пул маблағларини жўнатиш ва қабул қилиш, УзCард ва ҲУМО карталаридан Виса Direct хизмати билан Виса карталарига ўтказмалар, "Золотая корона" тизимидан фойдаланган ҳолда пул ўтказмаларини юбориш хизматлари ишга туширилди. Шунингдек, мижозлар учун банк офисига бормасдан, масофадан туриб тизимдаги шахсни тасдиқловчи ҳужжатдаги шахсий маълумотларни ўзгартириш (муддати тугаган ҳужжатлар), банк карта маълумотларидан нусха кўчириш функцияси, банк карталарини эҳтиёж юзага келганда блоклаш ва тўловларга чекловлар ўрнатиш, яна қайта блокдан чиқариш каби имкониятлар мавжуд. Қолаверса, телефон рақами бўйича электрон ҳамёнга ёки пластик картага пул маблағларини ўтказиш, хизматлар, депозитлар ва ўтказмалар учун автоматик тўловларни бажаришлари мумкин. Бундан ташқари, мижоз ўз хоҳишига кўра, Виса ва Mastercard карталари бўйича онлайн операцияларга тақиқ қўйиши, коммунал тўловларни жорий балансини кузатиш ва тўлов қилиш, коммунал тўловлар бўйича қолдиқнинг камайиши тўғрисида пуш-билдиришнома юбориш (коммунал тўловлар миқдори бўйича маълум чегара ўрнатиш ва агар ҳисобдаги қолдиқ ушбу миқдордан пастга тушса, хабарнома юборилади) имкониятидан фойдаланиши мумкин.
Миллий мобил иловаси фойдаланувчилари учун муҳим янгиликлардан бири эндиликда Миллийбанкнинг Mastercard картасидан 59 та давлат, жумладан, Ўзбекистондаги бошқа банкларнинг Mastercard карталарига ҳам пул ўтказмаларини амалга ошириш имконияти пайдо бўлди.
Умуман, мазкур илова орқали юртдошларимиз барча халқаро пул ўтказмаларини банкка бормай туриб, уйда ёки иш жойларида амалга ошириш имкониятига эга бўладилар.
Шунингдек, Миллий мобил иловаси фойдаланувчилари ҲУМО инфратузилмасида ҲУМОPay ёрдамида ўз смартфонлари орқали контактсиз тўловларни амалга ошира оладилар. ҲУМОPay тўлови интернетни талаб этмайди. Хизматдан фойдаланиш учун Миллий дастурини юклаб олиш ва картани телефон рақамларига улаш кифоя қилади. Бу эса ундан фойдаланувчиларга пластик карталарини ўзлари билан олиб юришларига зарурат қолдирмайди.
Миллий мобил иловасининг яна бир афзаллик жиҳати шундаки, фойдаланувчилар савдо ва хизмат кўрсатиш корхоналарига товар ва хизматлари учун тўловни мазкур тизим орқали ҳам амалга оширишлари мумкин. Товар ва хизматлар учун тўловлар мижоз терминалининг транзит ҳисоб рақамига 5-10 дақиқа ичида ўтказилади. Асосийси, банк мижозлари ҳар соатда тўловлар учун маблағларни ўтказиш имкониятига эга бўладилар.
Шунингдек, янада қулайликни ҳис этишни истовчи мижозлар учун соддалаштирилган жараён QR-код орқали тўлов қилиш имконияти мавжуд бўлиб, бу эса фойдаланувчига нафақат банк карталарини олиб юриш эҳтиёжидан қутилишлари, вақтни ва харажатларни тежашига ҳам шароит яратади.
Шунингдек, банк хизматларининг янги турларидан пуш-билдиришномалар ва смс орқали доимий хабардор қилиб бориладилар. Энг асосийси, банкимизнинг мижозлар манфаати йўлида тақдим этаётган қулайликларидан самарали фойдаланиб, ишончли ҳамкорга айланадилар.
Реклама ҳуқуқи асосида.
Изоҳ (0)