Yaman husiylari Hind okeani orqali harakatlanuvchi Isroilga aloqador kemalarga zarba bermoqchi. Bu haqda husiylar yetakchisi Abdel Malik al Husiyga tayanib, Al Masirah xabar berdi.
“Asosiy maqsadimiz — operatsiyalar ko‘lamini kengaytirish va dushman xavfsiz deb hisoblagan hududlarga yetib borish. Biz dushman Isroil bilan bog‘liq kemalarning Hind okeani orqali o‘tishiga yo‘l qo‘ymaslik niyatidamiz”, — deydi “Ansor Alloh” (husiylar) yetakchisi.
Al Husiy so‘nggi kunlarda hujumlar samaradorligi ortayotgani va natija ko‘rsatishda davom etayotganini aytdi.
“Amerikaliklar ham, inglizlarning ham G‘azo sektoridagi tajovuzni to‘xtatish va aholi ocharchiligiga barham berishdan boshqa mutlaqo iloji yo‘q”, — dedi u.
So‘nggi haftada Qizil dengiz va Adan ko‘rfazida harakatlanayotgan 12 ta kema zarbaga uchragan. Hammasi bo‘lib o‘tgan yilning noyabr oyidan beri husiylar 73 ta kemaga hujum qilgan, deydi harakat rahbari.
Izoh (0)