9-mart kuni Qizil dengizda turgan AQSH yetakchiligidagi koalitsiya kuchlari Yaman husiylari tomonidan uchirilgan ko‘p sonli harbiy dronlarni urib tushirgan. Bu haqda Al Jazeera nashri xabar berdi.
Xabarda aytilishicha, Amerika Qo‘shma Shtatlari dengiz floti kemalari va harbiy samolyotlari Qizil dengiz hududida husiylarga tegishli 15 ta Shahed dronlarini tutib olgan. Harbiy operatsiya paytida G‘arb texnikasiga hech qanday shikast yetmagan.
“Bu harakatlar dengiz yo‘llari erkinligini himoya qilish va xalqaro suvlarni xavfsizroq zonaga aylantirish uchun amalga oshirildi”, — deyilgan AQSH harbiy dengiz floti bayonotida.
Oldinroq husiylar harbiy idorasi matbuot kotibi Yahyo Sari 9-mart kuni guruh ikkita harbiy operatsiya o‘tkazganini maʼlum qilgan edi. Ulardan birinchisi Adan ko‘rfazida AQSHning Propel Fortune yuk tashuvchi kemasiga qarshi qaratilgan. Ikkinchi operatsiyada Qizil dengiz va Adan ko‘rfazidagi bir nechta AQSH harbiy kemalari 37 ta hujumkor dronlar bilan nishonga olingani daʼvo qilingan edi.
Izoh (0)