Toshkent viloyatining 19 729,41 gektar yer maydoni Toshkent shahridagi Yangi Toshkent tumani tarkibiga o‘tkazildi. Bu haqdagi tegishli qaror Toshkent viloyati hokimi Zoir Mirzayev tomonidan imzolangan.
Qarorga ko‘ra, Toshkent viloyati hududidan 19 729,41 gektar, shu jumladan Yuqori Chirchiq tumanidan 17 323,32 gektar, O‘rta Chirchiq tumanidan 2 406,1 gektar yer maydonlari Toshkent shahrining Yangi Toshkent tumani tarkibiga o‘tkazildi.
Toshkent viloyatining Yuqori Chirchiq tumanidagi 33 ta MFY, shundan 20 ta to‘liq, 13 ta qisman hamda O‘rta Chirchiq tumanidagi 7 ta MFY, shundan 4 ta to‘liq, 3 ta qisman bo‘lgan hududlari Toshkent shahri tarkibidagi Yangi Toshkent tumaniga o‘tkazilishi belgilandi.
2023-yilning noyabr oyida Toshkent shahri tarkibida Yangi Toshkent tumani tashkil etilishi haqida xabar berilgan edi.
Avvalroq 500 ming aholiga mo‘ljallangan Yangi Toshkent shahri Chirchiq va Qorasuv daryolari oralig‘ida barpo etilishi to‘g‘risida xabar berilgandi. 2023-yilning 18-mart kuni Shavkat Mirziyoyev “Yangi Toshkent” loyihasi qurilishiga tamal toshini qo‘ygan.
Izoh (0)