O‘zbekistonda Markaziy Osiyoda birinchi bo‘lib gidroakkumulyatorli elektr stansiya quriladi. Bu haqda Toshkentdagi gidroenergetikaga bag‘ishlangan sakkizinchi xalqaro anjumanda ma’lum qilindi.
-_3Tfbq-m.jpg)
“O‘zbekgidroenergo” AJ mas’uli Nodirbek Akchaboyevning bildirishicha, O‘zbekistonda dastlab 4 ta gidroakkumulyatorli elektr stansiyalar barpo etiladi. Ushbu loyiha Markaziy Osiyoda birinchi marta amalga oshirilayotgan bo‘lib, ular mamlakatning Jizzax, Toshkent viloyatlari va Qoraqalpog‘iston respublikasida joylashtiriladi. Ularning umumiy quvvati 1600 MVt ni tashkil qiladi.
Toshkent shahrida ish boshlagan sakkizinchi xalqaro anjumanda O‘zbekiston, Tojikiston, Qozog‘iston, Qirg‘iziston, Ozarbayjon, Eron, Armaniston, Rossiya, Gruziya va Turkiya davlatlaridan vakillar qatnashmoqda.
Ushbu xalqaro anjuman O‘zbekistonda ikkinchi marotaba tashkil etilmoqda. Bundan avval O‘zbekiston 2021-yil fevral oyida shu nufuzli xalqaro anjumanning beshinchisiga mezbonlik qilgan edi. Anjuman mintaqalardagi gidroenergetika sohasining rivojlanishi va taraqqiy etishi, gidroenergetik inshootlarning qurilishi, modernizatsiyasi, muammo va istiqbollari bo‘yicha o‘ziga xos o‘zaro tajriba almashish, uzviy hamkorlik va muloqot maydoni hisoblanadi.
Izoh (0)