9-mart kuni Rossiya aerokosmik kuchlari Suriyaning Idlib viloyati Basankul va Ashxani-Taxtani tumanlarida jangarilarning ikkita qarorgohini yo‘q qilgan. Bu haqda Suriyadagi ziddiyatli tomonlarni yarashtirish bo‘yicha Rossiya markazi rahbari o‘rinbosari Vadim Kulit maʼlum qilgan, deb xabar berdi “TASS” nashri.
“Rossiya aerokosmik kuchlarining Idlib viloyati Basankul va Ashxani-Taxtani hududlariga bergan zarbalari natijasida Suriya hukumati kuchlarini provokatsion bombardimon qilishda ishtirok etgan jangarilar joylashgan ikkita qarorgoh yo‘q qilindi”, — deya bayonot bergan Suriyadagi Rossiya vakili.
Suriyadagi ziddiyatli tomonlarni yarashtirish bo‘yicha Rossiya markazi boshlig‘i o‘rinbosari Vadim Kulitning taʼkidlashicha, so‘nggi 24 soat davomida Idlib viloyatida “Jabhat an-Nusra” terrorchilik guruhi tomonidan Suriya hukumat qo‘shinlari pozitsiyalariga bir marotaba hujum qilish holati kuzatilgan. Ushbu guruh Rossiyada rasman taqiqlangan.
Antiterroristik hujumda halok bo‘lgan terrorchilar va ularning rahbarlari soni va shaxsi maʼlum qilinmagan.
Izoh (0)