NATO bosh kotibi Yens Stoltenbergning aytishicha, alyans yadro quroliga ega bo‘lgan aʼzo davlatlar sonini ko‘paytirish niyatida emas. Shuningdek, uning qo‘shimcha qilishicha, blok Shvetsiyada yangi jangovar bo‘linmalarni joylashtirmoqchi emas.
“Biz yadro quroliga ega davlatlari sonini kengaytirishni rejalashtirmayapmiz. Shuningdek, biz doimiy ravishda o‘z kuch-salohiyatimizni baholaymiz va hozirda Shvetsiyada yangi jangovar guruhlar tashkil etish rejasi yo‘q”, — dedi Stoltenberg Shvetsiya bosh vaziri Ulf Kristersson bilan qo‘shma matbuot anjumanida.
Alyans bosh kotibining so‘zlariga ko‘ra, Shvetsiya va Finlyandiyaning NATOga aʼzo bo‘lishi butun alyansga, xususan, Shimoliy va Boltiqbo‘yi mamlakatlariga ijobiy taʼsir ko‘rsatadi. Matbuot anjumani chog‘ida Yens Stoltenberg ayni damda alyans Rossiyadan harbiy tahdid ko‘rmayotganini qo‘shimcha qildi.
U, shuningdek, ayrim mamlakatlarning Ukrainaga uzoq masofali tizimlar yetkazib berish haqidagi qarorini ma’qullaganini aytdi.
Shvetsiya 7-mart kuni rasman NATOga qo‘shildi. Bugun, 11-mart kuni alyansning Belgiyadagi qarorgohida Shvetsiya bayrog‘ini ko‘tarish marosimi bo‘lib o‘tdi.
Izoh (0)