Quyoshda M toifadagi kuchli chaqnash sodir bo‘ldi. Bu haqda Rossiya Gidrometeorologiya va atrof-muhit monitoringi federal xizmati xabar berdi.
Chaqnash 31 daqiqa davom etgan. Tadqiqot markazi ma‘lumotlariga ko'ra, chaqnash kuchi besh balli shkala bo‘yicha ikki ballga yetgan.
“So‘nggi 24 soat ichida quyosh rentgen nurlari portlashlarining Yer ionosferasiga ta’siri besh indikatorli shkala bo‘yicha R2 (o‘rtacha) darajasida bo‘lgan, bunda R1 zaif ta’sirni, R5 esa ekstremal degan ma’noni anglatadi”, — deyiladi xabarda.
R2 o‘nlab daqiqalar davomida kemalar va samolyotlar bilan radio aloqaning yo‘qolishiga ta’sir qiladi. Quyosh chaqnashlari, rentgen nurlanishining kuchiga qarab, beshta sinfga bo‘linadi: A, B, C, M va X. Quyoshda 9-martga o‘tar kechasi ham kuchli quyosh chaqnash kuzatilib, u 13 daqiqa davom etgan.
Quyosh chaqnashlari Yerda magnit bo‘ronlarini qo‘zg‘atishi, radio aloqalariga, kema va samolyotlarning joylashuvini aniqlashga ta’sir qilishi hamda ob-havoga bog‘liq bo‘lgan odamlar o‘zlarini yomon his qilishlari mumkin.
Izoh (0)