Tesla zavodi, Ekner shahri va Berlinning ikki hududi seshanba kuni atrof-muhit faollari tomonidan podstansiyaga o‘t qo‘yilishi natijasida elektr energiyasisiz qoldi. Bu haqda Bild xabar berdi.
Shtaynfurtdagi podstansiyada yong‘in mahalliy vaqt bilan taxminan 4:50 da sodir bo‘lgan. O‘t qo‘yish joyi hozirda portlovchi moddalar bo‘yicha mutaxassislar tomonidan tekshirilmoqda.
Tinch namoyish ochiq zo‘ravonlikka aylandi. 5-mart kuni ertalab eko-jinoyatchilar Gryunxeyddagi 12,5 ming xodimdan iborat Tesla avtomobil zavodiga o‘t qo‘yib, ishdan chiqargan. Butun zavod, Ekner shahri va Berlinning ba’zi hududlari elektr ta’minotisiz qolgan, — deyiladi Bild nashrida.
RBB24 ga ko‘ra, Germaniya poytaxtida Vilgelmshagen va Ransdorf tumanlari elektr energiyasisiz qolgan. DPA kompaniya vakiliga tayanib, Berlin yaqinidagi Tesla avtomobil zavodida elektr taʼminotidagi uzilish tufayli ishlab chiqarish to‘xtatilgani va zavod evakuatsiya qilinganini xabar qilgan.
O‘tgan haftada 100 ga yaqin atrof-muhit faollari Tesla zavodiga tutash o‘rmonga joylashib, kompaniya faoliyatiga norozilik bildirgan edi.
Izoh (0)