Tesla eng qimmat avtomobil ishlab chiqaruvchi kompaniya maqomini yo‘qotdi

Tesla Mercedes-Benz’ga yetakchilikni boy berib, eng qimmat avtomobil ishlab chiqaruvchi kompaniya maqomini yo‘qotdi.

Bu haqda Brand Finance xalqaro tahliliy agentligi hisobotida aytiladi.

Tesla qiymatining pasayishi Ilon Mask bilan bog‘liq mojarolar fonida ro‘y berdi, bu elektromobil ishlab chiqaruvchisi obro‘siga va uning brendi qiymatiga ta’sir qildi. Kompaniyaning narxi 12 foizga pasayib, 58,3 milliard dollargacha tushib ketdi, bu esa Mercedes-Benz kompaniyasiga yetakchilik qilish imkonini berdi — nemis brendining qiymati 1 foizga oshib, 59,4 milliard dollarga yetdi. Reytingda uchinchi o‘rinni 52,7 milliard dollarga baholangan Toyota saqlab qoldi.

Brand Finance konsalting kompaniyasi tahlilchilari dunyodagi eng kuchli avtomobil brendini ham aniqladilar, bu italyan brendi Ferrari bo‘ldi.

BYD esa Xitoyning eng qimmat avtomobil ishlab chiqaruvchisi sifatida tan olindi, uning qiymati 20 foizga oshib, 12,1 milliard dollarni tashkil etdi.