Tesla заводи, Экнер шаҳри ва Берлиннинг икки ҳудуди сешанба куни атроф-муҳит фаоллари томонидан подстанцияга ўт қўйилиши натижасида электр энергиясисиз қолди. Бу ҳақда Билд хабар берди.
Штайнфуртдаги подстанцияда ёнғин маҳаллий вақт билан тахминан 4:50 да содир бўлган. Ўт қўйиш жойи ҳозирда портловчи моддалар бўйича мутахассислар томонидан текширилмоқда.
Тинч намойиш очиқ зўравонликка айланди. 5 март куни эрталаб эко-жиноятчилар Грюнхейддаги 12,5 минг ходимдан иборат Tesla автомобиль заводига ўт қўйиб, ишдан чиқарган. Бутун завод, Экнер шаҳри ва Берлиннинг баъзи ҳудудлари электр таъминотисиз қолган, — дейилади Билд нашрида.
РБB24 га кўра, Германия пойтахтида Вилгелмшаген ва Рансдорф туманлари электр энергиясисиз қолган. DPA компания вакилига таяниб, Берлин яқинидаги Tesla автомобиль заводида электр таъминотидаги узилиш туфайли ишлаб чиқариш тўхтатилгани ва завод эвакуация қилинганини хабар қилган.
Ўтган ҳафтада 100 га яқин атроф-муҳит фаоллари Tesla заводига туташ ўрмонга жойлашиб, компания фаолиятига норозилик билдирган эди.
Изоҳ (0)