Siyosatchi bevasining so‘zlariga ko‘ra, Navalniy bilan vidolashuv marosimi uchun joy topilmayotganligida Rossiya prezidenti Vladimir Putin va Moskva meri Sergey Sobyanin aybdor. Bu haqda u X ijtimoiy tarmog‘idagi sahifasida ma’lum qilgan.
Bizda fuqarolik xotira marosimi va Aleksey bilan vidolashish uchun joy yo‘qligida ikki kishi aybdor. Kremldagilar uni o‘ldirdi, avval Alekseyning jasadini, keyin onasini masxara qilishdi, endi esa uning xotirasini mazax qilishmoqda. Biz odamlarga Aleksey bilan odatdagidek xayrlashish imkoniyati berilishini xohlaymiz”, — deb yozdi Navalnaya 28-fevral kuni X ijtimoiy tarmog‘ida.
Avvalroq siyosatchining matbuot kotibi Kira Yarmish Navalniyning dafn marosimi 1-mart kuni soat 14.00 da Maryino shahridagi “Mening qayg‘ularimni o‘chir” ikonasi cherkovida, dafn marosimi esa Moskvadagi Borisov qabristonida bo‘lib o‘tishini ma’lum qilgan edi.
Shu kuni Navalnaya Strasburgda Yevroparlament deputatlari bilan suhbatlashdi. Siyosatchining bevasi dafn marosimi tinch o‘tadimi yoki rasmiylar vidolashuvga kelganlarni hibsga olishni boshlaydimi, ishonchi komil emasligini aytgan.
Izoh (0)