19-fevral kuni Rossiyaning Fransiyadagi elchisi, 20-fevral kuni Polshadagi rus elchisi Tashqi ishlar vazirligiga chaqirilgan. Fransiya va Polsha hukumatlari Rossiya elchilaridan Navalniy o‘limi bo‘yicha tushuntirish so‘ragan. Bu haqda CNN xabar berdi.
Xabarda aytilishicha, Fransiya Tashqi ishlar vazirligi Navalniyning o‘limi tafsilotlarini “mustaqil va har tomonlama tekshirish”ga chaqirgan. Shuningdek, Parijdagi idora “Rossiyadagi barcha siyosiy mahbuslarni zudlik bilan va so‘zsiz ozod qilishga” chaqirgan.
Polsha Tashqi ishlar vazirligi esa Rossiya hukumatini Navalniyning o‘limi uchun javobgarlikni o‘z zimmasiga olishga va “to‘liq va oshkora tergov” o‘tkazishga chaqirgan.
Navalniyning o‘limi munosabati bilan yana bir qancha davlatlar, jumladan, Ispaniya, Shvetsiya, Buyuk Britaniya va Germaniya ham Rossiyaning o‘z mamlakatlaridagi elchisini chaqirtirgan. Rossiyaning BMTdagi elchisi Vasiliy Nebenzya G‘arb davlatlarini Navalniy o‘limini siyosiylashtirganlikda ayblagan va o‘lim sabablarini tekshirish “hali yakuniga yetmaganini” aytgan.
Izoh (0)