Rejissyor Stiven Spilberg The Hollywood reporter nashriga bergan intervyusida o‘zining “Shindler ro‘yxati” (1993) dramasi eng yaxshi loyihasi ekanligini aytdi.
“Ushbu filmni rejissyorlik faoliyatimdagi eng yaxshi asar deb hisoblayman va bundan faxrlanaman” — deydi rejissyor.
1982-yilda yozuvchi va ssenariy muallifi Tomas Kenali “Shindler kemasi” romanini chop etadi. Kitobni ko‘rib chiqqan Stiven Spilberg syujetga qiziqib qoladi, shundan so‘ng Universal Studios orqali kitob asosida film ishlash huquqini qo‘lga kiritadi.
Film Ikkinchi Jahon urushi paytida 1100 dan ortiq yahudiylarni qutqarib qolgan natsistlar partiyasi aʼzosi, tadbirkor Oskar Shindler haqidadir. Filmda Liam Nison, Ben Kingsli, Reyf Fayns va boshqalar suratga tushgan.
Asar 7 ta “Oskar” mukofotini qo‘lga kiritgan va 322 million dollar daromad keltirgan.
Shuningdek, Stiven Spilberg fikricha, rejissyor Jonatan Gleyzerning “Qiziqishlar zonasi” filmi Xolokost voqealarini yaxshi yoritib bergan.
Izoh (1)
Yaxshi film.qizil paltodagi qizaloq oxirida barbr uladi.