Andijon viloyatining Izboskan tumanida yashovchi T.K. yo‘llarda harakatlanish tezligini muntazam ravishda meʼyoridan oshirib kelgan va unga nisbatan 78 marotaba maʼmuriy jarima qo‘llangan. Bu haqda O‘zA xabar berdi.
Maʼlum qilinishicha, ichki ishlar boshqarmasi YHXB organlari tomonidan MIB Andijon tumanlararo bo‘limiga kelib tushgan jarima solish to‘g‘risidagi 60 ta va byuroning Izboskan tumani bo‘limiga kelib tushgan 18 ta qarorga muvofiq T.K.dan jami 47,4 mln so‘m undirilishi belgilangan.
Bo‘lim davlat ijrochilari qarzdorni jarima pullarini to‘lashi yuzasidan ogohlantirgan. Ijro harakatlari natijasida qarzdor T.K. fevral oyida 78 ta jarima uchun 47,4 mln so‘m miqdoridagi maʼmuriy jarimalarni to‘liq to‘lagan.
Izoh (0)