Toshkent viloyati IIBB Olmaliq shahrida joylashgan gaz quyish shoxobchasidagi transport vositasida kelib chiqqan yong‘in yuzasidan maʼlumot berdi.
Qayd etilishicha, 17-fevral kuni soat taxminan 09:30 larda Toshkent viloyati Olmaliq shahri Mirzo Ulug‘bek ko‘chasida joylashgan gaz quyish shoxobchasida 35 yoshli G.K.ga tegishli bo‘lgan “VAZ—2106”ga gaz quyish vaqtida yong‘in kelib chiqqan. Natijada avtomobil qisman yongan, u yerda bo‘lgan fuqarolar sog‘ligiga ziyon yetmagan.
Yanvar o‘rtalarida Toshkent viloyatining O‘rta Chirchiq tumanidagi metan zapravkada ham “Jiguli”da yong‘in chiqqandi. Undan oldin esa Toshkentda Matiz butunlay yonib ketgani, Qamchiq dovonida yuz bergan YTHda yuk mashina haydovchisi va yo‘lovchi halok bo‘lgani to‘g‘risida xabar berilgandi.
Izoh (0)