Favqulodda vaziyatlar vazirligi Toshkent viloyati Yangiyo‘l tumanida yuzaga kelgan yong‘in yuzasidan ma’lumot berdi.
Ma’lum qilinishicha, 12-yanvar kuni soat 22:13 da Yangiyo‘l tumani “Qo‘shyog‘och” MFYda joylashgan Delta Compressor MCHJ ga qarashli AGTKSH bostirmasining 10 kvadrat metr maydonda shifti va tagida turgan “KamAZ-53212” rusumli yuk avtomobilida yong‘in yuzaga kelgan.
Yong‘in joyiga qutqaruv ekipajlari soat 22:17 da yetib borib, u 22:20 da o‘rab olingan va soat 22:38 da o‘chirilgan.
Yong‘in natijasida tan jarohati olgan va halok bo‘lgan fuqarolar qayd etilmagan. Hozirda yong‘inning kelib chiqish sabablari va zarar miqdori aniqlanmoqda.
Avvalroq Toshkentda Matiz butunlay yonib ketgani, Qamchiq dovonida yuz bergan YTHda yuk mashinasi haydovchisi va yo‘lovchisi halok bo‘lgani to‘g‘risida xabar berilgandi.
Izoh (0)