Qoraqalpog‘iston Respublikasi va Xorazm viloyatida isteʼmolga yaroqsiz alkogol mahsulotlarini muomalaga kiritilishining oldi olindi. Bu haqda Bosh prokuratura huzuridagi departament xabar berdi.
Ma’lum qilinishicha, departamentning Chiroqchi va Dehqonobod tumani bo‘limlari tomonidan IIB xodimlari bilan hamkorlikda tezkor tadbirlar o‘tkazilgan. Tadbirlar davomida fuqarolar Sh.H. va J.Sh. qalbaki aksiz markali jami 1 156 dona “Shahrisabz” nomli isteʼmolga yaroqsiz alkogol mahsulotini sotayotgan vaqtlarida ashyoviy dalillar bilan ushlangan.
Shu kabi, departamentning Amudaryo tuman bo‘limi tomonidan DXX va IIB xodimlari bilan hamkorlikda o‘tkazilgan tezkor tadbirda “C.” nomli do‘kon sotuvchisi M.S. xaridorga qalbaki aksiz markali 2 dona “Qaratau” nomli arog‘ini va 1 quti tamaki mahsulotini sotgan vaqtida ushlanib, ushbu do‘kondan 553 dona turli xil alkogol mahsulotlari ashyoviy dalil sifatida olingan.
Mazkur holatlar yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) va qimmatli qog‘ozlar yasash, ularni o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
- Avvalroq Xorazmda 422 million so‘mlik aksiz markasiz tamaki mahsulotlari aniqlangani,
- Navoiy va Buxoroda 600 mln so‘mlik qalbaki aksiz markali alkogol mahsulotlari savdosining oldi olingani to‘g‘risida xabar berilgandi.
Izoh (0)