Oliy Rada deputatlari Ukraina prezidenti Vladimir Zelenskiyning harbiy holat va umumiy safarbarlikni yana 90 kunga — 13-mayga qadar uzaytirish haqidagi farmonini maʼqulladi. Vladimir Zelenskiy tegishli farmonni bir kun avval, 5-fevral kuni hukumat ko‘rib chiqishi uchun taqdim etgandi.
Ukrainaning “Strana” nashri xabariga ko‘ra, harbiy holat va safarbarlik to‘g‘risidagi farmonni 355 deputatdan 335 nafari qo‘llab-quvvatlagan, 20 nafar deputat betaraf qolgan, qarshilar yo‘q.
Ukrainada harbiy holat va safarbarlik Rossiya qo‘shinlari mamlakatga bostirib kirgan kunda — 2022-yil 24-fevralda joriy etilgandi. Ushbu chora-tadbirlar to‘qqiz marta uzaytirildi, oxirgi marta 2023-yil noyabr oyida harbiy holat uzaytirilgan.
2024-yil mart oyida Ukrainada prezidentlik va parlament saylovlari o‘tkazilishi kerak edi, biroq mamlakat konstitutsiyasiga ko‘ra, harbiy holat sharoitida ularni o‘tkazish mumkin emas. Vladimir Zelenskiyning o‘zi esa ukrainaliklarning ko‘pchiligi bunday sharoitda ovoz berishni “xavfli va ma’nosiz” deb hisoblashini aytib, saylov o‘tkazishdan bosh tortdi.
Izoh (0)