Yevropa Ittifoqi 24-fevralda Rossiyaga qarshi sanksiyalarning 13-paketini qabul qilishni rejalashtirmoqda. Bu haqda YI kengashiga raislik qilayotgan Belgiya tashqi ishlar vaziri Xadja Labib ma’lum qildi.
“Biz sanksiyalarning 13-paketini ramziy sanada — 24-fevralda qabul qilmoqchimiz”, — dedi u.
Yevropa matbuotiga ko‘ra, 13-paket Ukrainadagi urush boshlanganidan beri Yevropa Ittifoqi tomonidan qabul qilingan barcha paketlar ichida eng zaifi bo‘ladi.
2022-yilning 21-fevral kuni Rossiya o‘zini mustaqil deb eʼlon qilgan DXR va LXRning mustaqilligini tan olib, 22-fevralda ular nazorat qiladigan hududga rasman qo‘shin kiritdi. 24-fevralda esa Ukrainaga bostirib kirib, harbiy harakatlarni boshlagan.
Izoh (0)