Birlashgan Millatlar Tashkilotining yuqori martabali mulozimlari “Tolibon” hukumati tashqi ishlar vaziri bilan bir necha uchrashuvlarda Dohadagi yig‘ilishda Kobuldan yuqori martabali delegatsiya ishtirok etishini so‘ragan bo'lsa-da, “Tolibon” bu uchrashuvda ishtirok etishiga shubha qilmoqda.
Afg‘oniston bo‘yicha Doha uchrashuvi yaqinlashayotgan bir paytda, BMTning yuqori martabali rasmiylarining “Tolibon”ni ushbu uchrashuvda ishtirok etishga ko‘ndirishga urinishlari ko‘paydi.
Ushbu yig‘ilish ikki haftadan so‘ng fevral oyining oxirlarida xalqaro tashkilotlar vakillari ishtirokida o‘tkazilishi rejalashtirilgan, biroq ishtirokchilar ro‘yxati va uning kun tartibi haligacha aniqlanmagan.
Birlashgan Millatlar Tashkiloti ushbu yig‘ilish Afg‘onistonda xalqaro ishtirokni yanada uyg‘un, muvofiqlashtirilgan va konstruktiv tarzda bo‘lishini ta’minlash, shuningdek, BMTning mustaqil baholashlarini hal qilish maqsadida o‘tkazilishini e’lon qildi.
Avvalroq BMTning Afg‘onistondagi rasmiylari ushbu yig‘ilish mavzularidan biri “Tolibon” hukumatini tan olish masalasini o‘rganish ekanini aytgan edi.
Hukumatning tan olinishi masalasi har doim “Tolibon”ning xalqaro yig‘ilishlarda asosiy talabi bo‘lib kelgan, ammo “Tolibon” tashqi ishlar vaziri Amir Xon Mutaqqiy BMTning maxsus koordinatori Fereydon Sinirlio‘g‘li bilan uchrashuvida ushbu yig‘ilishda ishtirok etish uchun kun tartibi haqida batafsil ma’lumot olishni shart qilib qo‘ydi.
“Tolibon” hamma narsa oldindan belgilab qo‘yilgan va qarorlar oldindan qabul qilingan vaziyatda yig‘ilishda ishtirok etishni istamasligini ma’lum qilgan.
Izoh (0)