Bayden Ukrainasiz Isroilga moliyaviy yordam ko‘rsatish haqidagi qonun loyihasiga veto qo‘yadi

AQSH prezidenti Jo Bayden agar Ukrainaga yordam ko‘rsatilmasa, Isroilga qo‘shimcha mablag‘ ajratish haqidagi qonun loyihasini qabul qilmaydi. Bu haqda Oq uyga tayanib, The Guardian xabar berdi.

Prezident administratsiyasi hujjatning tegishli varianti faqat ”siyosiy hiyla” ekani, uni Kongressning ikkala palatasi ham rad etishi kerakligini ta’kidladi.

“Agar prezidentga ushbu qonun loyihasi taqdim etilsa, u veto qo‘yardi”, — ta’kidladi Oq uy va Senat va Vakillar palatasini Isroilga ham, Ukrainaga ham pul ajratadigan versiyani tezda tasdiqlashga chaqirdi.

Ta’kidlanishicha, administratsiya bunday qonun loyihasiga “qat’iy qarshilik ko‘rsatmoqda”, chunki u “chegarani himoya qilish uchun hech narsa qilmaydi” yoki Ukrainani qo‘llab-quvvatlamaydi.

3-fevral kuni bir guruh AQSH kongressmenlari qonun loyihasini taqdim etishdi. Vakillar palatasi spikeri Mayk Jonson qonunchilar bu hafta tashabbusga ovoz berishlarini aytdi.

4-fevral kuni Senat 2024-moliya yilida qo‘shimcha mablag‘ ajratish bo‘yicha paketli kelishuvlarni taqdim etgandi. U o‘tgan yilning 1-oktyabrida AQSHda boshlangan, janubiy chegarada chegara nazoratini kuchaytirish, Ukraina va Isroilga yordam ko‘rsatish uchun mablag‘lar ajratishni nazarda tutadi.