АҚШ президенти Жо Байден яқин орада мамлакатнинг Яқин Шарқдаги ҳарбий ҳаракатлар бошлашига рухсат бериши мумкин. Бу ҳақда Sky News халқаро алоқалар муҳаррири Доминик Вагҳорн хабар берди.
Маълум қилинишича, Байденнинг маслаҳатчилари унга рамзийликдан қаттиқ жазога қадар жавоб қайтариш вариантини таклиф қилмоқда.
“Президент яқин соатларда унинг танлови вазиятнинг ҳар қандай кескинлашувига чек қўйишига умид қилмоқда. Бу тескари натижа бериши мумкин... У масъул гуруҳга ҳужум қилиши мумкин, лекин кўпчилик буни заиф деб билади ва у масаланинг моҳиятини қамраб олмайди: гуруҳ ҳомийлари Эронда. Пентагоннинг вариантлар рўйхатида Эрон ташқарисидаги ҳудудларга Ислом инқилоби қўриқчилари корпусига қарши чоралар кўриш ёки унинг чегараларидаги Эрон иншоотларига ҳужум қилиш мавжуд”, — дейилади хабарда.
Пентагон Иорданиядаги америкалик қўшинларга дрон ҳужумида Эронга яқин бўлган Ироқ элита қуролли гуруҳи Катаиб Ҳизбуллоҳнинг “излари” борлигини тахмин қилмоқда.
АҚШ Давлат котиби Энтони Блинкеннинг таъкидлашича, уларнинг жавоби “қатламли, босқичма-босқич ва вақт ўтиши билан барқарор” бўлиши мумкин. Пентагон генерал майори Патрик Райдер АҚШ ўз кучларини ҳимоя қилиш учун ҳамма нарсани қилиши, бироқ у каттароқ можарога аралашишга интилмаслигини таъкидламоқда.
Расмийлар ва экспертларнинг журналистларга айтишича, Байден маъмурияти тўғридан тўғри ҳарбий ҳаракатларга сабаб бўлмасдан Эрон ва унинг қўллаб-қувватловчиларини ушлаб туриш учун “етарли даражада қаттиқ” жавоб изламоқда.
Иорданиядаги АҚШ базасига ҳужум:
28 январь куни АҚШнинг Иордания шимоли-шарқида жойлашган базасига дрон ҳужум қилди. Оқибатда уч нафар америкалик аскар ҳалок бўлди, 20 нафардан ортиғи яраланди.
Жо Байден ўз мурожаатида АҚШ бу зарбага жавоб қайтаришига ваъда берди. У ҳодисада ‘‘Эрон томонидан қўллаб-қувватланадиган радикал гуруҳлар”ни айблади. Ўз навбатида, Эрон ҳужумга алоқадорлигини рад этди.
Изоҳ (0)