Fransiya Milliy Assambleyasi (parlamentning quyi palatasi) deputatlari o‘zlari uchun xarajatlar limitini 305 yevroga oshirishga ovoz berishdi. Bu haqda Midi Libre nashri xabar bermoqda.
Uning ma’lumotlariga ko‘ra, Milliy assambleya kotibiyati har bir deputat uchun xarajatlarni oyiga 5645 yevrodan 5950 yevroga, ya’ni 5,4 foizga oshirishga ovoz berdi.
Qaror xarajatlarni inflyatsiya darajasiga moslashtirish zarurati bilan asoslandi. Qarorni barcha partiyalar qo‘llab-quvvatladi, faqat “Itoatsiz Fransiya” partiyasi betaraf qoldi.
Nashrning ta’kidlashicha, gap parlament tomonidan to‘lanadigan tegishli xarjatlar, jumladan, uy-joy ijarasi, qabullar va sayohatlar uchun xarajatlar haqida bormoqda. Barcha sarflanmagan mablag‘lar Milliy Assambleya g‘aznasiga qaytarilishi kerak. Bu mablag‘lar deputatlarning oyiga o‘rtacha 7,6 ming yevro maoshiga qo‘shimcha ravishda beriladi.
Izoh (0)