Germaniya kansleri Olaf Shols Zeit nashriga bergan intervyusida o‘z lavozimini muddatidan oldin tark etish yoki o‘z hukumatiga ishonch votumi masalasini parlamentga qo‘yish niyatida emasligini aytdi.
Avvalroq bir qator nashrlar Shols kansler lavozimini 2024-yil boshida tark etishi mumkinligi, mudofaa vaziri Boris Pistorius esa uning o‘rnini egallashi haqida yozgandi.
Shols kanslerni o‘zgartirish yoki ishonch votumi bo‘yicha ovoz berish haqidagi savollar muhokama qilingan uchrashuv bo‘yicha matbuotda chiqqan xabarlarni “ertak” deb atadi.
Hamma narsadan voz kechish haqida o‘ylaysizmi, degan savolga kansler “yo‘q” deb javob berdi.
“Ba’zida menda ham o‘zimga nisbatan shubhalar paydo bo‘ladi. Lekin sizning savolingiz men ketish haqida o‘ylaymanmi yoki yo‘qmi, shu haqida edi. Javobim: yo‘q”, — deya aniqlik kiritdi savolga Shols.
Izoh (0)