Olmaotada tungi zilzila hodisasi kadrlarga tushdi. Internetda Ko‘kto‘be tog‘lariga o‘rnatilgan kameradan olingan video paydo bo‘ldi.
23-yanvarga o‘tar kechasi Qirg‘iziston—Xitoy chegarasida bir necha bor zilzila sodir bo‘ldi. Xitoy seysmologiya markazi (CENC) saytidagi maʼlumotlarga ko‘ra, 7,1 magnitudali eng kuchli zilzila Shinjon-Uyg‘ur avtonom viloyatining Oqsu tumanida mahalliy vaqt bilan soat 2:09 da sodir bo‘lgan. Markaz maʼlumotlariga ko‘ra, mintaqada magnitudasi 3 dan 5,3 gacha bo‘lgan bir necha o‘nlab yerosti silkinishlari qayd etilgan.
Yer silkinishlari Qirg‘iziston, Qozog‘iston va O‘zbekistonning bir qancha shaharlarida sezildi.
Olmaotada zilzilalar oqibatida turli darajadagi jarohatlar bilan 44 kishi, Xitoyda esa 6 kishi jabrlangani ma’lum qilindi.
Izoh (0)