Qozog‘istonda “oila va karyera o‘rtasidagi muvozanatni” saqlash bo‘yicha davlat xizmatchilari uchun ko‘rilayotgan chora-tadbirlar ma’lum qilindi. Bu haqda Nur.kz xabar berdi.
Qozog‘iston davlat xizmati ishlari bo‘yicha agentligi raisi Darxan Jazikbay bu bo‘yicha ma’lumot berdi. Unga ko‘ra, agentlik tomonidan 2023-yilda davlat xizmatchilarining ortiqcha ish bilan band bo‘lishiga yo‘l qo‘ymaslik maqsadida ularning ish vaqti monitoring qilingan. Natijada 234 nafar davlat xizmatchisiga qo‘shimcha dam olish soatlari, yana 53 nafariga o‘z huquqlari uchun kompensatsiya berilgan.
Shuningdek, davlat xizmatchilarining karyera va oila o‘rtasidagi muvozanatini saqlashi uchun chora-tadbirlar ko‘rilgani ma’lum qilingan.
“O‘tgan yili davlat xizmatchilarining maʼlum toifasi masofadan turib yoki moslashuvchan grafik asosida ishlash imkoniyatiga ega bo‘ldi. Bu ish vaqti samaradorligini oshirishga xizmat qilmoqda. Agar 2022-yilda 835 nafar davlat xizmatchisi moslashuvchan grafik asosida ishlagan bo‘lsa, 2023-yilda ularning soni 3024 kishini tashkil etdi”, — deydi Davlat xizmati ishlari agentligi.
Izoh (0)