“O‘zgidromet” Toshkent va Namangan viloyatlari tog‘li hududlarida qor ko‘chishi xavfidan ogohlantirdi.
Ma’lum qilinishicha, 19—21-yanvar kunlari yog‘ingarchilik hamda havo haroratining keskin o‘zgarishi kutilmoqda.
Shu sababli
- Toshkent viloyati: Bo‘stonliq, Ohangaron va Parkent tumanlari (Chotqol tizmasining tog‘lari);
- Namangan viloyati Pop tumanida qor ko‘chish xavfi e’lon qilindi.
“Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rishlarini so‘raymiz”, — deyiladi xabarda.
11—16-yanvar kunlari kutilayotgan yog‘ingarchilik hamda havo haroratining keskin o‘zgarishi sababli Toshkent va Namangan viloyatlari tog‘li hududlarida qor ko‘chish xavfi e’lon qilingandi.
Izoh (0)