To‘rt yoshli Zara Shifra Everest cho‘qqisiga chiqish bo‘yicha rekord o‘rnatdi. U 5364 metr balandlikni zabt etdi. Qizaloq va uning yetti yoshli akasini Everest ekspeditsiyasiga ularning otasi olib bordi.
Zara 4 yosh-u 5 oylik, u Chexiya va Kanada fuqarosi, lekin ota-onasi bilan Malayziyada yashaydi. U otasi va akasi bilan birgalikda Himolay tog‘lari bo‘ylab 270 kilometrga yaqin masofani bosib o‘tdi.
Zarani ota-onasi yoshligidan chiniqtirib boradi. Otasining so‘zlariga ko‘ra, ular tarbiyada mahalliy qabilalarning an’anaviy turmush tarzi tamoyillariga amal qilishadi. Qizaloq hech qachon issiq suvda cho‘milmaydi, u tez-tez muzli vanna qabul qiladi. Shuning uchun u tog‘larda 25 darajagacha past haroratlardan qo‘rqmadi. Bundan tashqari, oila ko‘pincha kimsasiz yerlarda uzoq vaqt sayohat qiladi. O‘tgan yili ular Zara bilan birga o‘rmon bo‘ylab 2200 kilometr yo‘l bosib o‘tishgan.
Zara Everestni zabt etgan eng kichik qizga aylandi, lekin eng kichkina bola emas. Undan oldin ikki yoshli Hazel Matulis ota-onasi, uchta katta aka-uka va opa-singillari (6-11 yosh) bilan Zara ko‘tarilgan balandlikka chiqqan. Biroq Zara sayohatini qishda qildi, bu esa ancha qiyinroq, deb yozadi Bild.
Izoh (0)