Тўрт ёшли Зара Шифра Эверест чўққисига чиқиш бўйича рекорд ўрнатди. У 5364 метр баландликни забт этди. Қизалоқ ва унинг етти ёшли акасини Эверест экспедициясига уларнинг отаси олиб борди.
Зара 4 ёшу 5 ойлик, у Чехия ва Канада фуқароси, лекин ота-онаси билан Малайзияда яшайди. У отаси ва акаси билан биргаликда Ҳимолай тоғлари бўйлаб 270 километрга яқин масофани босиб ўтди.
Зарани ота-онаси ёшлигидан чиниқтириб боради. Отасининг сўзларига кўра, улар тарбияда маҳаллий қабилаларнинг анъанавий турмуш тарзи тамойилларига амал қилишади. Қизалоқ ҳеч қачон иссиқ сувда чўмилмайди, у тез-тез музли ванна қабул қилади. Шунинг учун у тоғларда 25 даражагача паст ҳароратлардан қўрқмади. Бундан ташқари, оила кўпинча кимсасиз ерларда узоқ вақт саёҳат қилади. Ўтган йили улар Зара билан бирга ўрмон бўйлаб 2200 километр йўл босиб ўтишган.
Зара Эверестни забт этган энг кичик қизга айланди, лекин энг кичкина бола эмас. Ундан олдин икки ёшли Ҳазел Матулис ота-онаси, учта катта ака-ука ва опа-сингиллари (6-11 ёш) билан Зара кўтарилган баландликка чиққан. Бироқ Зара саёҳатини қишда қилди, бу эса анча қийинроқ, деб ёзади Bild.
Изоҳ (0)