AQSH va Buyuk Britaniya harbiylari Yamanning Al-Bayda provinsiyasidagi husiylar pozitsiyalariga yangi havo hujumlarini amalga oshirdi. Bu haqda mahalliy hokimiyatdagi manbaga tayanib, “RIA Novosti” xabar berdi.
AQSH va Buyuk Britaniya 16-yanvar kuni Yaman poytaxti Sano janubi-sharqidagi Al-Bayda provinsiyasidagi kazarmalarga zarba berdi. Amerika va Britaniya samolyotlari Muqayras okrugidagi harbiy lagerda joylashgan “Ansor Alloh” obyektlarini bombardimon qildi, — deydi manba.
Ta’kidlanishicha, At-Taffa qal’asi hududi va As-Savmaa tumanidagi obyektlar ham nishonga olingan.
Yamanga zarbalar
Noyabr oyi o‘rtalarida Yamanning shimolini boshqarayotgan “Ansor Alloh” (husiylar) G‘azo sektoridagi falastinliklarni qo‘llab-quvvatlash maqsadida Qizil dengizdagi Isroil bilan bog‘liq kemalarga hujum qila boshladi, buning natijasida Suvaysh kanali orqali yuk tashish keskin kamayib ketdi.
O‘z navbatida, AQSH boshqa davlatlar bilan birga kemalarni himoya qilish bo‘yicha operatsiya boshlanganini e’lon qildi. “Ansor Alloh” ushbu koalitsiya aʼzolarining kemalariga hujum qilish huquqini o‘zida saqlab qolishi haqida ogohlantirdi.
12-yanvar kuni AQSH va Buyuk Britaniya Yamanning to‘rt provinsiyasidagi nishonlarga havodan zarbalar berib, “Ansor Alloh” harakatiga qarshi operatsiya boshladi. AQSH prezidenti Jo Bayden harbiy harakatlarni davom ettirish imkoniyatini inkor etmadi.
Husiylarning aytishicha, javob zarbalari natijasida Qizil dengizda AQSH harbiy kemasini cho‘ktirishga muvaffaq bo‘lishgan.
Izoh (0)