Favqulodda vaziyatlar vazirligi Toshkent shahar Mirobod tumanida yuz bergan yong‘in yuzasidan ma’lumot berdi.
Ma’lum qilinishicha, 13-yanvar kuni soat 09:39 da Mirobod tumani Sarakul ko‘chasida joylashgan kafelarning birida yong‘in sodir bo‘layotgani to‘g‘risida shahar FVBga xabar tushgan.
Shunga ko‘ra, 5 ta yong‘in-qutqaruv ekipajlari voqea joyiga soat 09:44 da yetib borib, yong‘in soat 10:06 da o‘rab olingan va 10:35 da o‘chirilgan.
Yong‘in natijasida kafe binosining taxminan 150-200 kvadrat metr maydonda tom va shift qismi yonib zararlangan.
Dastlabki maʼlumotlarga ko‘ra, yong‘indan 3 nafar fuqaro tan jarohati olib, shifoxonaga yotqizilgan. Yong‘in sababi va zarar miqdori aniqlanmoqda.
Avvalroq Toshkent viloyati Yangiyo‘l tumanidagi zapravkada yong‘in yuz bergani to‘g‘risida xabar berilgandi.
Izoh (0)