Фавқулодда вазиятлар вазирлиги Тошкент шаҳар Миробод туманида юз берган ёнғин юзасидан маълумот берди.
Маълум қилинишича, 13 январь куни соат 09:39 да Миробод тумани Саракул кўчасида жойлашган кафеларнинг бирида ёнғин содир бўлаётгани тўғрисида шаҳар ФВБга хабар тушган.
Шунга кўра, 5 та ёнғин-қутқарув экипажлари воқеа жойига соат 09:44 да етиб бориб, ёнғин соат 10:06 да ўраб олинган ва 10:35 да ўчирилган.
Ёнғин натижасида кафе биносининг тахминан 150-200 квадрат метр майдонда том ва шифт қисми ёниб зарарланган.
Дастлабки маълумотларга кўра, ёнғиндан 3 нафар фуқаро тан жароҳати олиб, шифохонага ётқизилган. Ёнғин сабаби ва зарар миқдори аниқланмоқда.
Аввалроқ Тошкент вилояти Янгийўл туманидаги заправкада ёнғин юз бергани тўғрисида хабар берилганди.
Изоҳ (0)