Shvetsiyalik sobiq murabbiy Sven-Yoran Erikssonga saraton tashxisi qo‘yildi.
Angliya terma jamoasi, “Manchester Siti”, “Latsio” va “Roma” sobiq murabbiyi kasallik haqida yugurish vaqtida hushidan ketganidan keyin bilganini aytib o‘tdi.
Eslatib o‘tamiz, 2023-yilning fevral oyida Eriksson sog‘ligidagi muammolar tufayli futboldagi faoliyatini tugatgan edi. So‘nggi vaqtlarda 75 yoshli mutaxassis Shvetsiya uchinchi divizionida to‘p suradigan “Karlstad”da sport direktori lavozimida ishlagandi.
“Barcha mening og‘ir xastalikka chalinganimni ko‘rib, bu saraton, deb o‘ylagandi. Afsuski, shunday. Lekin imkon qadar unga qarshi kurashishim lozim.
Bilaman, eng yaxshi holatda mening bir yilim bor, eng yomoni esa, balki, undan ham kamroqdir. Yaxshisi, bu haqida o‘ylamaslik kerak. Miyani aldash zarur. Uyda o‘tirib, faqat shu haqida soatlab o‘ylab o‘tirishim mumkin edi.
Biroq, bunday narsalarga ijobiy qarab, muvaffaqiyatsizlik haqida o‘ylamaslik kerak.
Hech qanday kuchli og‘riqni boshdan o‘tkazmadim. Ammo menga sekinlatish mumkin, ammo davolab bo‘lmaydigan kasallik tashxisi qo‘yildi. Haqiqat shunaqa”, — deydi Eriksson.
Izoh (0)