Швециялик собиқ мураббий Свен-Ёран Эрикссонга саратон ташхиси қўйилди.
Англия терма жамоаси, “Манчестер Сити”, “Лацио” ва “Рома” собиқ мураббийи касаллик ҳақида югуриш вақтида ҳушидан кетганидан кейин билганини айтиб ўтди.
Эслатиб ўтамиз, 2023 йилнинг февраль ойида Эрикссон соғлигидаги муаммолар туфайли футболдаги фаолиятини тугатган эди. Сўнгги вақтларда 75 ёшли мутахассис Швеция учинчи дивизионида тўп сурадиган “Карлстад”да спорт директори лавозимида ишлаганди.
“Барча менинг оғир хасталикка чалинганимни кўриб, бу саратон, деб ўйлаганди. Афсуски, шундай. Лекин имкон қадар унга қарши курашишим лозим.
Биламан, энг яхши ҳолатда менинг бир йилим бор, энг ёмони эса, балки, ундан ҳам камроқдир. Яхшиси, бу ҳақида ўйламаслик керак. Мияни алдаш зарур. Уйда ўтириб, фақат шу ҳақида соатлаб ўйлаб ўтиришим мумкин эди.
Бироқ, бундай нарсаларга ижобий қараб, муваффақиятсизлик ҳақида ўйламаслик керак.
Ҳеч қандай кучли оғриқни бошдан ўтказмадим. Аммо менга секинлатиш мумкин, аммо даволаб бўлмайдиган касаллик ташхиси қўйилди. Ҳақиқат шунақа”, — дейди Эрикссон.
Изоҳ (0)