Argentina hukumati BRIKSga aʼzo davlatlar rahbarlariga ushbu uyushmaga qo‘shilmaslik qarori haqida rasman maʼlum qildi. Bu haqida Argentinaning Clarín gazetasi ma’lum qildi.
“Hukumat bir necha hafta oldin qabul qilingan qarorni rasman e’lon qilish uchun BRIKSga a’zo davlatlar prezidentlariga xat yubordi”, — deb yozadi nashr.
Yaqinda Argentina prezidenti etib saylangan Xavyer Miley saylovoldi tashviqoti chog‘ida Argentinaning BRIKSga qo‘shilishiga qarshi chiqqandi. Noyabr oyining oxirida tashqi ishlar vaziri Diana Mondino Argentina BRIKSga qo‘shilmasligini, chunki mamlakat tashkilotning Yangi taraqqiyot bankiga qo‘shilish uchun badal puli to‘lay olmasligini aytgandi.
Argentina Misr, Efiopiya, Eron, Saudiya Arabistoni va BAA bilan birgalikda 2024-yil 1-yanvardan boshlab BRIKSga aʼzo bo‘lishga taklif qilingandi.
Izoh (0)