Аргентина ҳукумати БРИКСга аъзо давлатлар раҳбарларига ушбу уюшмага қўшилмаслик қарори ҳақида расман маълум қилди. Бу ҳақида Аргентинанинг Clarín газетаси маълум қилди.
“Ҳукумат бир неча ҳафта олдин қабул қилинган қарорни расман эълон қилиш учун БРИКСга аъзо давлатлар президентларига хат юборди”, — деб ёзади нашр.
Яқинда Аргентина президенти этиб сайланган Хавьер Милей сайловолди ташвиқоти чоғида Аргентинанинг БРИКСга қўшилишига қарши чиққанди. Ноябрь ойининг охирида ташқи ишлар вазири Диана Мондино Аргентина БРИКСга қўшилмаслигини, чунки мамлакат ташкилотнинг Янги тараққиёт банкига қўшилиш учун бадал пули тўлай олмаслигини айтганди.
Аргентина Миср, Эфиопия, Эрон, Саудия Арабистони ва БАА билан биргаликда 2024 йил 1 январдан бошлаб БРИКСга аъзо бўлишга таклиф қилинганди.
Изоҳ (0)