Fransuz muhandisi Gustav Eyfel vafotining 100 yilligi munosabati bilan o‘tkazilgan ish tashlash tufayli Eyfel minorasi tashrif buyuruvchilarni qabul qilishni to‘xtatdi, deyiladi minoraning rasmiy saytida.
“Xodimlar ish tashlashi munosabati bilan Eyfel minorasiga chiqish hozirda yopilgan. Keltirilgan noqulayliklar uchun uzr so‘raymiz. Minora atrofidagi maydonga kirish ochiq va tashrif buyurish bepul”, — deyiladi xabarda.
Eyfel minorasi Fransiya hukumatining buyrug‘i bilan 1889-yilgi Butunjahon ko‘rgazmasi uchun muhandis Gustav Eyfel loyihasi bo‘yicha qurilgan va o‘sha paytda dunyodagi eng baland binoga aylangan.
Dastlab minorani 20 yilga qoldirib, keyin esa uni buzib tashlash rejalashtirilgan edi. Chunki uning dizayni ko‘pchilik parijliklarga yoqmagan. Biroq yillar davomida u Fransiya poytaxti ramziga aylanib qoldi.
Yoz oylarida Eyfel minorasini tomosha qilishga bir kunda 25 ming nafardan ortiq sayyoh tashrif buyurishi ma’lum qilingan.
Izoh (0)