Eyfel minorasi ancha yomon holatda va jiddiy ta’mirlash ishlarini talab qilmoqda. Bu haqda Fransiyaning Marianne jurnali o‘z manbalariga tayanib xabar berdi.
Jurnalga kelib tushgan hisobotlarga ko‘ra, minora 2010-yildan buyon yomon ahvolda bo‘lib turibdi. Xususan, inshoot zang bilan qoplangani, yoriqlar borligi aytilmoqda.
Marianne intervyu olgan ekspertlar Eyfel minorasi jiddiy ta’mirga ehtiyojmand deb hisoblaydi. 2024-yilda Parijda bo‘lib o‘tishi kerak bo‘lgan yozgi Olimpiya o‘yinlari oldidan rejalashtirilgan kosmetik ta’mirdan ancha jiddiyrog‘i talab etiladi.
Unga 60 million yevro ajratilgan va, ekspertlar fikricha, bunday ta’mirdan keyin minora “o‘ta achinarli” ahvolga kelib qoladi. Eski bo‘yoq ustidan yangisini surish o‘rniga, minoraning yuzasi metal qavatgacha qirib tashlanishi, qayta tiklanishi va shundan keyin yangidan bo‘yalishi kerak, degan fikrda mutaxassislar.
Izoh (0)