26-dekabr kuni Sankt-Peterburg shahrida MDHga aʼzo davlatlar rahbarlarining norasmiy uchrashuvi bo‘lib o‘tdi. Ushrashuvdan so‘ng prezidentlarga tushlikka nimalar berilgani ma’lum bo‘ldi.
Menyuga ko‘ra, MDH rahbarlari seld balig‘idan tayyorlangan shuba salati va qisqichbaqa qo‘shilgan chuchvara bilan siylangan. Bundan tashqari, menyudan chakanda (oblepixa) sharbati, sabzavot va ikra sousi bilan pishirilgan sterlet balig‘i, kashtan pyuresi va qora smorodina bilan tortilgan kiyik go‘shti, ryajenkali muzqaymoq va olmali rulet o‘rin olgan.
Ta’kidlanishicha, tushlik Konstantin saroyining Moviy zalida bo‘lib o‘tgan. 26-dekabr kuni MDH davlatlari rahbarlari Sankt-Peterburgda tashkilotning norasmiy sammitiga yig‘ildi. Tadbir doirasida ularga Pavlovsk muzey-qo‘riqxonasiga ekskursiya uyushtirildi, u yerda Rossiya prezidenti Vladimir Putin va Armaniston bosh vaziri Nikol Pashinyan suhbat olib bordi.
Izoh (0)